هالسياسة توضّح شنو البيانات اللي ياخذها تطبيق وموقع «طاخ» اللي تديره كود فاكتوري (Code Factory)، وليش، ومع منو تنشارك، وشلون تقدر تحذفها. ناخذ أقل شي نحتاجه عشان اللعبة تشتغل، وما نبيع بياناتك لأي أحد.
١. اللاعبين (بدون حساب)
- اللاعب يدخل بالكود أو الـ QR بدون تسجيل. ناخذ الاسم المستعار والصورة الرمزية اللي يختارها، وتنعرض للمضيف واللاعبين في نفس اليمعة.
- نحفظ رقم عشوائي للجهاز عشان ما تتكرر عليك نفس الأسئلة. ما فيه اسمك ولا رقمك.
- بيانات الغرفة (الكود، الفرق، النقاط) مؤقتة وتنتهي مع اليمعة.
٢. المضيف (صاحب الحساب)
- بيانات الدخول: لما تسجل بـ Apple أو Google ناخذ الإيميل والاسم اللي يعطونا إياه (وApple تسمح لك تخفي إيميلك).
- الرصيد والمشتريات: عدد اللعبات اللي اشتريتها واستخدمتها، وتاريخ ومبلغ كل عملية شراء.
- اللعبة المجانية: نحفظ رمز مشفّر للجهاز عشان اللعبة المجانية تكون مرة وحدة لكل جهاز. ما نقدر نعرف منه جهازك.
٣. الدفع
ما نشوف ولا نحفظ بيانات بطاقتك أبداً. الدفع في التطبيق يصير عن طريق Apple (App Store)، وفي الموقع عن طريق بوابة دفع إلكتروني مرخّصة بالكي نت أو البطاقة. نحفظ بس رقم العملية وحالتها عشان نضيف لعباتك.
٤. مع منو تنشارك البيانات
نشارك البيانات بس مع جهات تساعدنا نقدّم الخدمة، وبالقدر اللي تحتاجه:
- Apple و Google: تسجيل الدخول، ومشتريات App Store.
- بوابة الدفع: لما تشتري من الموقع.
- مزوّدي الاستضافة والتخزين السحابي: يشغّلون الخدمة ويحفظون البيانات بشكل آمن ومشفّر.
وما نشارك بياناتك مع أي أحد ثاني إلا إذا طلب القانون.
ما نستخدم إعلانات، ولا أدوات تتبّع إعلانية، وما نبيع بياناتك.
٥. الكاميرا
نطلب الكاميرا بس لما تضغط «صوّر الكود» عشان تقرا الـ QR. الصورة ما تنحفظ ولا تطلع من جهازك.
٦. حذف حسابك
من التطبيق: الصفحة الرئيسية ← أيقونة الحساب ← حذف الحساب. ينحذف حسابك ورصيدك وسجل مشترياتك نهائياً. أو راسلنا على codefactorykw@gmail.com ونحذفه خلال ٣٠ يوم. نخلي بصمة الجهاز للعبة المجانية بدون أي ربط فيك.
٧. الأطفال
اللعبة عائلية والصغار يقدرون يلعبون كلاعبين بدون حساب. فتح حساب مضيف والشراء للكبار (١٨ سنة وفوق) أو بإشراف ولي الأمر. ما نجمع بيانات شخصية عن الأطفال عن قصد.
٨. التواصل والتعديلات
أي سؤال عن خصوصيتك: codefactorykw@gmail.com. إذا عدّلنا هالسياسة نحدّث التاريخ فوق، وإذا التعديل مهم نبلّغك في التطبيق.
Privacy Policy (English summary)
Ta5 is operated by Code Factory, Kuwait. Players join without an account; we store the nickname and avatar they pick and a random device ID (to avoid repeating questions). Hosts sign in with Apple or Google; we store the email/name those providers share, the game balance and purchase history, and an encrypted device code to limit the free game to one per device. Card details are never seen or stored by us: in-app purchases go through Apple, web payments through a licensed payment gateway. Data is shared only with providers that help run the service (sign-in, payments, secure cloud hosting). No ads, no ad tracking, no sale of data. The camera is used only to scan a QR code, and images never leave the device.
Delete your account in the app (Home → account icon → Delete account) or email codefactorykw@gmail.com. Host accounts and purchases are for adults (18+) or with a parent's supervision.